Bugun Surxondaryo viloyatida ko‘p yillik samarali mehnati, jamiyat rivoji va yoshlar tarbiyasiga qo‘shgan munosib hissasi uchun bir guruh nuroniylar I, II va III darajali “Mehnat faxriysi” ko‘krak nishoni hamda bir yo‘la to‘lanadigan pul mukofoti bilan taqdirlandilar.
Mukofotlarni “Nuroniy” jamg‘armasi raisi o‘rinbosari Sharof Ubaydullayev hamda Surxondaryo viloyati hokimi Ulug‘bek Qosimov tantanali ravishda topshirdilar.
Quvonarlisi, mukofot sohiblari orasida Termiz davlat muhandislik va agrotexnologiyalar universiteti professori, pedagogika fanlari doktori O‘g‘iloy Sultonova ham bor.
Ustozimizni ushbu yuksak eʼtirof bilan samimiy muborakbod etib, ilmiy-pedagogik faoliyati, yosh avlodni vatanparvarlik ruhida tarbiyalash yo‘lidagi fidokorona mehnatlari uchun minnatdorchilik bildiramiz.
