Yig‘ilishda universitet faoliyati samaradorligini oshirish, ta’lim sifatini xalqaro standartlarga moslashtirish hamda talaba-yoshlar bandligini ta’minlashga doir ustuvor vazifalar muhokama qilindi.
Dastlab, bakalavriat va magistratura ta’lim yo‘nalishlarini xalqaro akkreditatsiyadan o‘tkazish bo‘yicha amalga oshirilayotgan ishlar ko‘rib chiqildi. Shuningdek, universitetning maqsadli ko‘rsatkichlari tahlil qilinib, ularga erishish yuzasidan mas’ullarga tegishli topshiriqlar berildi.
Yig‘ilishda bakalavriat, magistratura hamda PhD va DSc ixtisosliklarini kompleks davlat akkreditatsiyasiga tayyorlash, shuningdek, 2026–2027-o‘quv yili qabul jarayonlarini shaffof va sifatli tashkil etish masalalariga alohida e’tibor qaratildi.
Shuningdek, bitiruvchilar bandligi muhokama qilinib, 2025–2026-o‘quv yilida bitiruvchi talabalar bandligini ta’minlash bo‘yicha amalga oshirilayotgan ishlar tanqidiy tahlil qilindi.
Yig‘ilish yakunida rektor Rasul To‘rayev kun tartibidagi masalalar yuzasidan mas’ullarga aniq muddatlar belgilangan topshiriqlar berib, ijro intizomiga qat’iy rioya etish zarurligini ta’kidladi.
