Ushbu uchrashuvlar yoshlarning istiqbolli rejalari bilan tanishish hamda ularga kasbiy yo‘nalish berishda muhim platforma bo‘lib xizmat qilmoqda.

​Xususan, Qiziriq tumanida hokim Sherxon Allamurotov universitet bitiruvchilari va ularning ota-onalari bilan uchrashib, yoshlarni o‘z bilim va salohiyatini yurt ravnaqi yo‘lida safarbar etishga chaqirdi. Muloqot davomida ko‘tarilgan har bir masala yuzasidan mas’ul tashkilot rahbarlariga aniq topshiriqlar yuklatildi (https://t.me/qiziriq_tuman_mx/47957?single).

​Shuningdek, Bandixon tumani hokimi A.Allamuradov ishtirokida TDMAUning bitiruvchi kurs talabalari uchun onlayn muloqot o‘tkazildi (https://t.me/Bandixonthaxborotxizmati/45450?single). Uchrashuvda universitetning kafedra mudirlari va soha mutaxassislari qatnashib, talabalarning mutaxassislik bo‘yicha ish bilan ta’minlanishi va kelajakdagi kasbiy shakllanishi masalalarini atroflicha muhokama qildilar.

​Bu kabi tizimli uchrashuvlar nafaqat oliy ta’lim muassasalari bitiruvchilarining bandligini hal etish, balki mamlakatimizning kadrlar salohiyatini mustahkamlash va umummilliy taraqqiyotni ta’minlashga qaratilgan muhim qadamdir.