Termiz davlat muhandislik va agrotexnologiyalar universiteti talabalari har haftaning seshanba kuni “Ayritom” erkin iqtisodiy zonasida o‘quv-amaliy mashg‘ulotlarda ishtirok etmoqda.

Mashg‘ulotlarda talabalar ishlab chiqarish jarayonlari, zamonaviy texnologiyalar va investitsiya loyihalari bilan tanishib, nazariy bilimlarini amaliyot bilan mustahkamlash imkoniga ega bo‘ladi.

Dars va seminarlar yoshlarning ilmiy-tadqiqot salohiyatini oshirish, kasbiy ko‘nikmalarini rivojlantirish hamda ularni raqobatbardosh mutaxassis sifatida tayyorlashga xizmat qiladi.