Iqtidorli talabalarning ilmiy tadqiqot faoliyatini tashkil etish bo‘limi

photo_2026-05-21_15-50-35

Iqtidorli talabalarning ilmiy-tadqiqot faoliyatini tashkil etish bo’limi boshlig’i

Kichkilova Matluba Xamzayevna

🗓 Qabul vaqti: Dushanba-Shanba (soat 14:00–17:00)

☎️Telefon: +998 99 715 11 01

📨 E-mail: mkickilova@gmail.com

Telegram - Free social media icons Telegram: +998 99 715 11 01

Bo‘limning maqsadi:

Talabalar ilmiy-tadqiqot ishlari va faoliyatini tashkil etish va rivojlantirishdan ko‘zlangan maqsad:

Тegishli fan sohalari bo‘yicha talabalarning bilimini oshirish;

Talabalarining ilmiy qobiliyati va ijod erkinligini oshirish, shuningdek ularda o‘quv jarayoni va kelajakda amalga oshiradigan amaliy faoliyatida tashabbuskorlik hissini shakllantirish va rivojlantirish;

Talabalarning ilmiy-tadqiqot faoliyatini amalga oshirish yo‘li bilan o‘z mutaxassisligiga bo‘lgan ijodiy yondashuvini shakllantirish, bo‘lajak mutaxassislarning shaxsiy professional xususiyatlarini shakllantirishga ko‘maklashish.

Iqtidorli talabalarning ilmiy-tadqiqot faoliyatini tashkil etish bo‘limining asosiy vazifalari:

Oliy ta’lim muassasalaridagi iqtidorli va tashabbuskor yoshlar bo‘yicha yagona ma’lumotlar bazasini shakllantirish va muntazam yangilab borish hamda ularni mamlakatning yetakchi olimlari va ishbilarmonlari bilan hamkorligini ta’minlash;

Iqtidorli talabalarni intellektual salohiyatini aniqlab borish;

Iqtidorli talabalarni qobiliyati va qanday yo‘nalishga moyilligiga qarab maqsadli tayyorlashni tashkil etish;

Innovatsion loyihalarini rivojlantirish va qo‘llab-quvvatlash, ilmiy-innovatsion akselerator va biznes-inkubatorlarni tashkil etish asosida tashabbuskor yoshlarni tadbirkorlik faoliyatiga yoʻnaltirish;

Iqtidorli yoshlarni rivojlangan xorijiy mamlakatlarning nufuzli ilmiy markazlari, universitetlari, texnoparklari va ishlab chiqarish korxonalarida malaka oshirishlariga koʻmaklashish;

Oliy ta’lim muassasalarida tegishli soha yo‘nalishlari bo‘yicha yangi avlod ilm-fan jamoalari va maktablarini shakllantirish;

Bo‘limning vazifalari:

— iqtidorli talabalarni izlash va aniqlashni tashkil etish;

— ta’lim olayotgan iqtidorli talabalarning intellektual salohiyatini muntazam ravishda aniqlab borish;

— iqtidorli talabalarning moilligiga qarab, ularni maqsadli tayyorlashni uyushtirish;

— fundamental ilmiy-tadqiqot ishlariga, ilmiy to’garaklarga va mualliflik jamoalariga jalb qilishni uyushtirish;

— iqtidorli talabalarni ilmiy maqolalar chop etishga, hamda ularning ilmiy ishlari va ilmiy ishlanmalarini amaliyotga joriy etishda ko’maklashish;

— iqtidorli talabalarni respublika va xalqaro miqyosda o’tkaziladigan ilmiy anjumanlarda ishtirok etishini ta’minlash;

— iqtidorli talabalar safidan O’zbekiston Respublikasi davlat stipendiyalariga nomzodlarni maxsus tayyorlash;

— iqtidorli talabalarni ilm va fan arboblari, ishlab chiqarish korxonalarining rahbarlari va yirik mutaxassislari bilan uchrashuvlarini tashkil etish;

— fan olimpiadalariga talabalarni jalb etish va o’tkazish.

Bo‘limning huquq va majburiyatlari:

Termiz muhandislik-texnologiya instituti professor-o‘qituvchilari, tayanch doktorant, doktorant va mustaqil izlanuvchilarini barcha sohalardagi ilmiy-amaliy va texnik muammolarning ilg‘or va noananaviy yechimlarini izlab topishga qaratilgan ilmiy-tadqiqot ishlariga jalb etish;

kafedra professor-o‘qituvchilari ish rejalarida olib borilayotgan ilmiy-tadqiqot ishlari rejalari tuzilishini hamda ularning kunning ikkinchi yarmida bajarilishini nazorat qilib borish;

tayanch doktorant, doktorant va mustaqil izlanuvchilarning dissertatsiya ishini tayyorlashning yakka tartibdagi rejalarini o‘z vaqtida tuzishlarini va ularning ijrosini nazorat qilib borish;

ilmiy-tadqiqot ishlarining amalga oshirilishi va ilmiy-pedagog kadrlar tayyorlash masalalari muhokamasi bo‘yicha o‘tkaziladigan kafedra majlislarida va fakultet ilmiy kengashlarida ishtirok etish;

ilmiy-tadqiqot ishlarini amalga oshirish va ilmiy-pedagog kadrlar tayyorlash yuzasidan o‘rnatilgan shakllarda joriy va yillik hisobotlarni vazirlikka belgilangan muddatda topshirish;

tayanch doktorantura, doktorantura va mustaqil izlanuvchilikka qabul qilish bo‘yicha e’lonlarni respublika ommaviy axborot vositalarida (OAV) e’lon qilib borish;

tayanch doktorantura, doktorantura va mustaqil izlanuvchilikka qabul qilish jarayonini yuqori saviyada o‘tkazish;

bo‘lim tomonidan professor-o‘qituvchilar, tayanch doktorant, doktorant va mustaqil izlanuvchilarning ilmiy-tadqiqotlar olib borishlarida uslubiy yordam ko‘rsatish. Shuningdek, ilmiy ish natijalari bo‘yicha hisobotlarning o‘z vaqtida topshirilishini nazorat qilib borish;

tayanch doktorant, doktorant va mustaqil izlanuvchilarning doktorlik dissertatsiyasi mavzularini OAK byulletenida chop etilishini tashkil etish.